Cwestiynau Cyffredin

Cwestiynau Allweddol

Pa mor hir yw’r rhaglen?

Rhaglen trochi iaith Gymraeg 12‑wythnos
Mae plant yn mynychu 5 diwrnod yr wythnos.
Mae’n cynnwys dyddiau pontio yn ôl yn ysgol y plentyn i gefnogi dychweliad llyfn.

2. Sut fydd fy mhlentyn yn cyrraedd Carreg Lam?

Mae Carreg Lam wedi’i leoli ar safle Ysgol Panteg.
Mae plant o Ysgol Bryn Onnen, Ysgol Gymraeg Gwynllyw ac Ysgol Gymraeg Cwmbrân yn derbyn cludiant yn ôl i’r ganolfan ac yn ôl. Bydd plant yn cyrraedd nôl yn yr ysgol cyn diwedd y dydd yn barod i gael eu casglu, unrhyw drafnidiaeth bellach neu unrhyw weithgareddau allgyrsiol.
Mae plant sy’n mynychu Ysgol Panteg yn cyrraedd fel arfer ac yn mynd yn syth i Garreg Lam.

3. Faint o’r gloch ydy’r dydd yn dechrau a gorffen?

I blant sy'n mynychu Ysgol Panteg:

Mae Carreg Lam yn dechrau ar yr un amser â'r dydd ysgol arferol.
Mae'r plant yn gorffen am 14:45.
Yna, maen nhw'n dychwelyd i'w dosbarth i dreulio amser gyda'i gyd-ddisgyblion, yn barod i’w casglu, unrhyw gludiant ymlaen, neu weithgareddau ychwanegol.

I blant sy’n mynychu Ysgol Bryn Onnen, Ysgol Gymraeg Gwynllyw a Ysgol Gymraeg Cwmbran:

Mae Carreg Lam yn dechrau ar yr un pryd â’r diwrnod ysgol arferol.
Mae plant yn gadael Carreg Lam am 14:45.
Maent yn cyrraedd eu hysgol cyn diwedd y diwrnod ysgol, yn barod i’w casglu, unrhyw drafnidiaeth ymlaen, neu weithgareddau ychwanegol.

4. Faint o blant sydd mewn dosbarth yng Ngharreg Lam?

Mae Carreg Lam yn gofalu am 12 o blant, gan greu amgylchedd dysgu bach a chefnogol lle gall y staff gadw mewn cysylltiad agos gyda phob disgybl, bod ar gael i gefnogi dysgu iaith, ac darparu’r cymorth cywir ar yr adeg iawn.

5. Pa flwyddyn y mae angen i fy mhlentyn fod ynddi i fynychu Carreg Lam?

Mae Carreg Lam ar gyfer plant yn y Blynyddoedd 2–6.

6. Ydy plant yn gwisgo gwisg ysgol?

Ydy, bydd plant yn gwisgo eu gwisg ysgol i Garreg Lam.

7. A oes angen iddynt ddod â phecyn bwyd?

Yng Ngharreg Lam, darperir cinio ysgol gan Arlwyo Torfaen, ac felly mae’r plant yn cael yr un prydau ag ym mhob ysgol gynradd yn Nhorfaen.
Mae croeso i blant ddod â phecyn bwyd os ydynt yn dymuno.
Pan fyddwn yn mynd ar dripiau, rydym yn trefnu pecynnau bwyd lle bo’n briodol.

Cwestiynau am Ddysgu a Chynnydd

A fydd fy mhlentyn yn cwympo ar ei hôl hi yn yr ysgol brif ffrwd?

Nid yw plant yn cwympo tu nôl. Maent yn cyrraedd y dosbarth yn gryfach, yn llawn hyder ac yn barod i ddysgu. Mae’r rhaglen 12‑wythnos yn canolbwyntio ar adeiladu’r sgiliau iaith Gymraeg sydd eu hangen arnynt i allu ymgysylltu’n llawn â’u dysgu pan fyddant yn dychwelyd i’w dosbarth prif ffrwd.
Rydym yn creu amgylchedd dysgu cyfoethog, cefnogol ac amrywiol lle mae plant yn datblygu hyder, annibyniaeth, hunan‑barch a pherthnasoedd cadarnhaol sydd yn cryfhau eu dysgu cyffredinol, nid ei darfu.
Nid ydym yn dysgu pob Maes Dysgu a Phrofiad yn benodol; yn hytrach, rydym yn sicrhau bod plant yn barod yn ieithyddol i ymgysylltu â Chwricwlwm i Gymru pan fyddant yn trosglwyddo’n ôl. Mae hyn yn golygu eu bod yn dod yn ôl yn fwy parod ac yn hyderus, nid ar eu hôl hi.
Mae ymchwil yn dangos bod dysgu iaith drochi dwys mewn cyfnod byr yn fwy effeithiol na dulliau arafach, mwy lledaenedig. Dyma pam mae ein model 12‑wythnos yn cyflymu cynnydd ac yn helpu disgyblion i ffynnu pan fyddant yn dychwelyd i’w dosbarth prif ffrwd.

2. Sut ydym yn tracio cynnydd?

Rydym yn tracio cynnydd pob wythnos drwy asesu plant yn erbyn geirfa allweddol mewn chwe chategori iaith. Mae hyn yn ein helpu i ddeall pa mor hyderus ydyn nhw wrth ddefnyddio geiriau a phatrymau newydd yn Gymraeg.

Mae pob set geirfa yn cael ei hasesu drwy bedwar cam clir:

Yn ymddangos — mae eich plentyn yn dechrau defnyddio’r iaith ac efallai y bydd angen cymorth neu ysgogiad.
Yn datblygu — mae eich plentyn yn dod yn fwy hyderus ac yn fwy annibynnol wrth ddefnyddio’r iaith.
Yn gadarn — mae eich plentyn yn gallu defnyddio’r iaith yn annibynnol.
Wedi gwreiddio’n llawn— mae eich plentyn yn defnyddio’r iaith yn hyderus, heb gymorth, mewn amrywiaeth o wahanol gyd-destunau.

3. Pa lefel o Gymraeg fydd fy mhlentyn yn ei gyrraedd erbyn y diwedd?

Mae’r CEFR (Common European Framework of Reference for Languages) yn raddfa ryngwladol sy’n disgrifio gallu ieithyddol. Mae ganddi chwe lefel: A1, A2, B1, B2, C1 a C2, yn amrywio o ddechreuwr i uwch.
Yn ystod y raglen 12‑wythnos, mae plant yn gweithio o fewn lefelau A1–A2 y CEFR, gan eu galluogi i gael mynediad at y cwricwlwm mewn addysg Gymraeg pan fyddant yn dychwelyd i’r dosbarth.
Erbyn diwedd y rhaglen, mae’r rhan fwyaf o blant yn gallu deall ac defnyddio ymadroddion Cymraeg bob dydd ac yn gallu cymryd rhan mewn sgyrsiau syml, gan roi sylfaen gadarn iddynt i barhau i ddatblygu’u Cymraeg pan fyddant yn dychwelyd i’w hysgol brif ffrwd.

4. Sut y byddwn yn helpu eich plentyn i drosglwyddo’n ôl i’w hysgol?

Mae cyfarfodydd canol‑raglen ac ar ddiwedd y rhaglen yn cael eu cynnal rhwng staff Carreg Lam a dosbarth athro/athrawes eich plentyn. Mae hyn yn sicrhau bod pawb yn deall cynnydd eich plentyn a pha gefnogaeth fydd o gymorth pan fyddant yn dychwelyd.
Gall athrawon bori drwy lyfrau eich plentyn i weld y patrymau iaith y maent wedi bod yn eu datblygu a sut mae eu sgiliau Cymraeg yn tyfu.
Mae ysgolion yn derbyn llawlyfr sy’n cynnwys yr holl batrymau iaith a ddysgir yn ystod y rhaglen 12‑wythnos, ynghyd â gwybodaeth asesu sy’n dangos cynnydd eich plentyn dros gyfnod eu hymdrochiad.
Mae teuluoedd ac athrawon yn derbyn adroddiad unigol sy’n manylu ar gyrhaeddiad ieithyddol eich plentyn, ynghyd â strategaethau i gefnogi eu datblygiad iaith parhaus unwaith y byddant yn ôl yn y dosbarth.

Cwestiynau am Les, Pontio a Chymorth

1. A fydd fy mhlentyn yn cwrdd â staff cyn mynychu?

Bydden. Cyn i’r rhaglen ddechrau, mae staff yn trefnu cwrdd gyda’ch plentyn naill ai yn eu hysgol brif ffrwd neu yng Ngarreg Lam. Mae hyn yn eu helpu i gyfarwyddo â’r tîm, teimlo’n gyfforddus yn y lleoliad, ac adeiladu perthnasoedd cadarnhaol cyn eu diwrnod cyntaf.

2. A all fy mhlentyn ymweld â’r safle cyn mynychu?

Gall. Rydym yn croesawu’r cyfle i chi a’ch plentyn ymweld â Charreg Lam cyn i’r rhaglen ddechrau. Mae ymweliad yn helpu plant i deimlo’n gyfforddus yn y gofod, cwrdd â staff, ac ymgyfarwyddo â’r amgylchedd cyn eu diwrnod cyntaf.

3. Pwy allaf gysylltu gyda os oes gennyf bryderon?

Mae Dr Matthew Williamson‑Dicken (Pennaeth) — yn arwain Carreg Lam ac yn gallu helpu gyda unrhyw gwestiynau neu bryderon cyffredinol.
Mae Mrs Carys Soper (Arweinydd y Ganolfan) — ar gael i drafod dysgu, lles a chynnydd eich plentyn.
Mae Miss Megan Stokes (Staff Cymorth Arbenigol) — yn gallu helpu gyda chwestiynau ymarferol am drefniadau o ddydd i ddydd.

4. Sut ydych yn cadw plant yn ddiogel?

Mae cadw eich plentyn yn ddiogel yn brif flaenoriaeth i ni, ac mae’n llywio popeth a wnawn.
Rydym yn dilyn gweithdrefnau diogelu trylwyr sy’n unol â chanllawiau Llywodraeth Cymru.
Mae pob aelod o staff wedi’u hyfforddi ac yn gwybod sut i ymateb i bryderon.
Mae plant yn dysgu mewn amgylchedd goruchwyliedig a chefnogol lle mae lles yn dod yn gyntaf.
Rydym yn gweithio mewn partneriaeth ag ysgol brif ffrwd eich plentyn.

5. Sut ydych yn cefnogi fy mhlentyn yn llwyddiannus?

Mae cefnogi pob plentyn yn flaenoriaeth, ac mae ein darpariaeth grŵp‑bach yn galluogi staff i gysylltu yn agos gyda disgyblion ac ymateb i anghenion unigol.
Mae plant yn dysgu Cymraeg mewn ffordd strwythuredig a phwrpasol drwy themâu sy’n canolbwyntio ar y plentyn a dulliau profedig fel chwarae rôl, gemau a driliau iaith.
Rydym yn rhoi lles wrth wraidd ein gwaith, gan helpu plant i deimlo’n ddiogel, yn hyderus ac yn barod i ddysgu.
Mae ein dysgu gweledol ac ymgysylltiol yn annog cyfranogiad ac yn helpu plant i ddeall ac i ddefnyddio’r Gymraeg ar eu cyflymder eu hunain.
Mae ymweliadau addysgol yn rhoi cyfle i ddisgyblion ddefnyddio’r Gymraeg mewn sefyllfaoedd go iawn, gan adeiladu hyder a dyfnhau dealltwriaeth.

Cwestiynau am y Rhaglen ei Hun

1. Pa themâu sy’n cael eu cynnwys yn ystod y rhaglen 12‑wythnos?

Ar draws y rhaglen 12‑wythnos, mae plant yn dysgu Cymraeg drwy themâu strwythuredig sy’n canolbwyntio ar y plentyn, gan eu helpu i ddefnyddio iaith mewn sefyllfaoedd go iawn. Mae themâu fel Y Parc a Y Caffi yn rhoi cyd-destunau ystyrlon i ddisgyblion ymarfer geirfa a phatrymau newydd.
Mae’r themâu hyn yn helpu plant i adeiladu sylfaen ieithyddol gadarn, gan eu galluogi i gynnal sgyrsiau syml yn Gymraeg ac i ryngweithio’n hyderus â’u cyfoedion wrth gymdeithasu.

2. Sut mae dysgu’n cael ei wneud yn hwyl ac ymgysylltiol?

Mae plant yn dysgu Cymraeg drwy themâu sy’n canolbwyntio ar y plentyn a dulliau chwareus, megis chwarae rôl, gemau a driliau iaith.
Mae ein dysgu gweledol ac ymgysylltiol yn annog plant i gymryd rhan, arbrofi gyda’r iaith ac aros yn gymhellol.

3. A ydych yn mynd ar ymweliadau addysgol?

Ydym, yn aml! Mae ymweliadau addysgol yn rhoi cyfle i blant ddefnyddio’r Gymraeg mewn cyd-destunau go iawn, gan eu helpu i wneud synnwyr o iaith newydd, teimlo’n gymhellol i’w defnyddio mewn gwahanol amgylcheddau, ac ennill hyder a dealltwriaeth ddyfnach.
Edrychwch ar ein tudalennau Instagram a Facebook!

Cwestiynau am Gyfathrebu â Theuluoedd

1. Pa mor aml y byddaf yn cael diweddariadau am fy mhlentyn?

Mae Instagram a Facebook yn dangos gweithgareddau a dysgu bob dydd.
Mae cylchlythyr wythnosol yn eich hysbysu am yr hyn sydd wedi’i gwmpasu ac yn cynnig ffyrdd syml i chi helpu eich plentyn i arbrofi gyda’r iaith ac i’w harchwilio gartref.
Byddwch hefyd yn derbyn adroddiadau, ynghyd â chyfarfodydd cynnydd a lles, i drafod sut mae’ch plentyn yn dod ymlaen.

2. A fyddaf yn gweld enghreifftiau o waith fy mhlentyn?

Byddech. Bydd gennych y cyfle i weld llyfrau eich plentyn yn ystod y cyfarfod cynnydd a lles hanner‑ffordd, ac eto tua diwedd y rhaglen 12‑wythnos.

3. Sut ydych yn cyfathrebu â theuluoedd?

Rydym ar gael drwy chats Class Dojo, dros y ffôn ac drwy e-bost, gan ei gwneud yn hawdd i chi gysylltu â ni pryd bynnag y bo angen. Mae gennym bolisi drws agored.
Mae Instagram a Facebook yn dangos gweithgareddau a dysgu bob dydd.
Byddwch hefyd yn derbyn adroddiadau, ynghyd â chyfarfodydd cynnydd a lles, i drafod sut mae’ch plentyn yn dod datblygu.